Suhareka është tronditur nga lajmi i hidhur për ndarjen nga jeta të të riut Ylber Trolli, i cili prej kohësh po përballej me një sëmundje të rëndë. I diagnostifikuar me kancer, Ylberi luftoi me guxim dhe forcë me këtë sprovë të rëndë, por fatkeqësisht nuk arriti ta mposhtte atë.
I ndjeri njihej në qytet jo vetëm për energjinë dhe pozitivitetin që shpërndante, por edhe për përkushtimin e tij të palëkundur ndaj grupit të tifozëve Dardanët, ku ishte një anëtar i zjarrtë dhe shumë i dashur. Ai nuk mungonte asnjëherë në mbështetjen për përfaqësuesen dhe për komunitetin sportiv në përgjithësi.
Përveç kësaj, Ylber Trolli ishte edhe një besimtar i devotshëm. Ai kishte kryer haxhillëkun dhe gëzonte respekt të gjerë për përkushtimin e tij ndaj vlerave fetare, duke qenë gjithmonë shembull i sjelljes së mirë, respektit dhe dashurisë për tjetrin.
Lajmi për ndarjen e tij nga jeta ka sjellë dhimbje të thellë te familja, miqtë, shokët dhe gjithë qytetarët e Suharekës, të cilët e kanë njohur Ylberin si një djalë të veçantë dhe zemërbardhë.
Ngushëllimet më të sinqerta për familjen Trolli, të afërmit dhe të gjithë ata që ndanë momente me të.
U prehtë në paqe! 🕊️