Skuadra e Ballkanit ka marrë një tjetër fitore të madhe në Europë, duke mposhtur Lincoln Red Imps me rezultatin 2-0 në “Fadil Vokrri”, në ballafaqimin e vlefshëm në kuadër të raundit të tretë kualifikues së Conference League.
Meriton Korenica dhe Lorenc Trashi realizuan golat në fitoren e sotëm, shkruan GazetaBlic Sport.
Pas ndeshjes, Ilir Daja u shpreh shumë i lumtur me fitoren.
“Morëm atë që deshëm. Kemi ndryshime në lojë dhe në ekip, duke zëvendësuar Rrahmanin dhe Emërllahun që s’mund t’i zëvendësojmë për një jave. Disa lojtarë janë me viruse dhe gjendja fizike nuk ishte e duhura. Me rezultat 2-0 kemi bërë gjysmë hap para, e rëndësishme është ta mbyllim me kualifikim pavarësisht ndeshjes së sotme”, tha Ilir Daja për Super Sport.
