Kandidati për kryetar të Komunës së Suharekës nga LDK, Dr. Ardian Shala, ka prezantuar një tjetër emër të fuqishëm dhe me përvojë në listën e tij për Kuvendin Komunal: Ilir Përteshin, i cili garon me numrin 12.
Ilir Përteshi është inxhinier ndërtimi me master në Efiçiencë Energjetike nga Universiteti i Prishtinës – një profil i domosdoshëm për një zhvillim të qëndrueshëm dhe planifikim të mençur urban.
Iliri ka një karrierë të gjatë në strukturat e LDK-së:
Kryetar i nëndegës së LDK-së në Duhël që nga viti 2012
Anëtar i Kryesisë së Degës së LDK-së për dy mandate
Ky angazhim i gjatë dhe konstant dëshmon për besimin që gëzon nga bashkëfshatarët dhe strukturat e partisë, si dhe për përkushtimin e tij për të ndikuar pozitivisht në jetën publike.
Me përvojë në sektorin privat dhe ekspertizë teknike, Iliri është një kandidat që kombinon dijen me praktikën. Ai vjen në garë me një vizion të qartë për zhvillim të balancuar të komunës, duke i dhënë rëndësi energjisë së pastër, infrastrukturës dhe nevojave reale të qytetarëve.
