Kandidati për Asamblenë Komunale nga radhët e LDK-së, Ilir Perteshi (#12), ka reaguar për gjendjen e infrastrukturës në fshatin Duhël. Ai theksoi se jo vetëm një, por disa rrugë të këtij fshati kanë mbetur pa u shtruar për vite me radhë.
“Banorët më kanë shkruar dhe kërkuar që të bëhen publike edhe rrugë të tjera, sepse prej 8 vitesh komuna nuk ka bërë asgjë, veç premtime boshe,” – është shprehur Perteshi.
Ai shtoi se banorët e Duhles me të drejtë kërkojnë barazi dhe infrastrukturë të denjë, duke e konsideruar këtë çështje si prioritet të domosdoshëm për zhvillimin e fshatit dhe përmirësimin e jetës së përditshme.
