Një vetaksident ka ndodhur sot në zonën e Pishave në Duhel të Suharekës, ku një veturë ka humbur kontrollin dhe ka dalë nga rruga, raporton Gazeta Sinjali.
Sinjalizuesi thotë se një kafshë e quajtur “Jazbeci“, ka dalë para shoferit në rrugë, dhe në përpjekje për ta shmangur atë, shoferi ka devijuar, duke përfunduar jashtë rrugës.
Nga aksidenti ka mbetur i lënduar B.K., i cili ka pësuar dëmtime të konsiderueshme trupore. Ai është transportuar menjëherë në spitalin e Prizrenit për trajtim mjekësor. Sipas burimeve nga vendi i ngjarjes, edhe pse i dëmtuar, B.K. ka qenë në gjendje të vetëdijshme gjatë gjithë kohës.
Në vendngjarje kanë ndërhyrë njësitë përkatëse të policisë, zjarrfikësit si dhe autoambulanca, të cilat i kanë ofruar ndihmën e parë dhe kanë bërë transportimin e të lënduarit.
Hetimet lidhur me shkaqet dhe rrethanat e këtij aksidenti janë ende në proces.
