Kryetari i Komunës së Suharekës, Bali Muharremaj, ka përcjellë një mesazh të qartë dhe frymëzues për qytetarët e tij: vëmendja nuk do të shpenzohet në urrejtje, por në projekte, strategji dhe sfida të reja që e presin Suharekën.
Në postimin e tij, Muharremaj theksoi se Suhareka tashmë është dëshmuar si “Qyteti i Kampionëve”, jo vetëm në sport, por edhe në dimensione të tjera të zhvillimit. Sipas tij, bashkimi, puna dhe përkushtimi i qytetarëve janë forca që po e bëjnë komunën gjithnjë e më të suksesshme, duke u kthyer në shembull për të gjithë.
“Jemi gati për trofe të reja që na bashkojnë, për emocione që na ngrisin dhe për projekte madhore që do ta vendosin Suharekën në një nivel edhe më të lartë të zhvillimit,” u shpreh ai, duke shtuar se qyteti do të vazhdojë rrugëtimin e tij si kampion në të gjitha fushat.
Mesazhi i kryetarit Muharremaj është edhe një thirrje për unitet e motivim, duke premtuar se qytetarët së shpejti do ta shohin Suharekën “në të gjitha dimensionet e zhvillimit” – një qytet që ecën përpara me vullnet, pasion dhe vizion.