Një incident është raportuar sot rreth orës 13:00 në autostradën “Ibrahim Rugova”, në dalje për në Suharekë, ku një kamionetë autobartëse ka marrë flakë gjatë lëvizjes, raporton Gazeta Sinjali.
Zjarri ka shkaktuar vetëm dëme materiale, ndërsa për fat të mirë nuk ka persona të lënduar.
Lajmin për Gazetën Sinjali e ka konfirmuar zëdhënësi i Policisë së Kosovës për rajonin e Prizrenit, Shaqir Bytyqi.
“Sot, rreth orës 13:00 është raportuar se në autostradë, në dalje për në Suharekë një kamionetë autobartëse ka marrë flakë. Si pasojë e zjarrit janë shkaktuar vetëm dëme materiale, të lënduar nuk ka. Zjarrfikësit e kanë shuar zjarrin ndërsa Policia ka menaxhuar me rastin”, ka thënë Bytyqi për Sinjalin.