Policia e Kosovës ka njoftuar se kanë realizuar urdhër arrestin e Gjykatës Themelore të Prizren duke e ndaluar e pastaj dërguar në vuajtje të dënimit për veprën penale “fajde” personin me inicialet I.M,49 vjeçar nga Krusha e Vogël.
Në detajet e policisë thuhet se injëjti ka qenë në kërkim aktiv, pasi ndaj tij ishte lëshuar vendim i plotfuqishëm nga Gjykata Themelore në Prizren, me të cilin ishte dënuar me dy vite e gjysmë burg.
“Me datën 02.09.2025, Policet e Njësisë së Ndërlidhjes me Gjykatën pran Stacionit Policor në Prizren- Veri, pas veprimeve operative dhe hetimore, kanë realizuar urdhër arrestin e lëshuar nga Gjykata Themelore në Prizren për personin e kërkuar I.M., 49 vjeçar, mashkull nga fshati Krushë e vogël , Prizren. I njëjti ka qenë në kërkim aktiv, pasi ndaj tij ishte lëshuar vendim i plotfuqishëm nga Gjykata Themelore në Prizren, me të cilin ishte dënuar me dy (2) vite e gjysmë burg për veprat penale ‘Fajde”. I dyshuari është dorëzuar në institucionin korrektues për vuajtjen e dënimit”, thuhet në njoftim.
Policia thotë se mbetet e përkushtuar në realizimin e urdhëresave gjyqësore dhe garantimin e sigurisë publike.
