FC Ballkani do të takohet me ekipin e La Fioritas të martën me fillim nga ora 20:45, në kuadër të raundit të dytë kualifikues për Conference League.
Ekipi kundërshtar vjen nga San Marino, ku është shpallur kampion në ligën e tyre profesionale, përcjell GazetaBlic Sport.
La Fiorita është një ekip i njohur në San Marino për sukseset e tyre, megjithatë jashtë kampionatit vendas, pra në garat evropiane kjo skuadër nuk ka pasur suksese.
Kjo skuadër merr pjesë në garat evropiane që nga viti 2013 – por ende nuk ka shijuar fitoren e parë. Madje barazimin e parë e arriti në vitin 2017 ndaj Linfield.
Më 21 qershor të këtij viti – ata shënuan golin e tyre të parë në kualifikimet e UEFA Champions League kundër Inter Club d’Escaldes.
Në 21 takime të luajtura në garat evropiane, La Fiorita ka shënuar vetëm katër gola, kurse kanë pranuar 55 gola.
19 nga 21 takimet e La Fioritas në Evropë kanë përfunduar me humbje, ndërsa dy prej tyre me barazim. Ekipi nga San Marino akoma nuk ka fitore në Evropë, pavarësisht faktit që merr pjesë qe 8 vjet.
Burimi i ljamit: KorrektSport