Komuna e Suharekës, përmes Drejtorisë për Kulturë, Sport, Rini dhe Mërgatë, ka publikuar agjendën zyrtare të aktiviteteve për shënimin e 17 Shkurtit – Ditës së Pavarësisë së Kosovës.
Aktivitetet do të zhvillohen më 16 dhe 17 shkurt 2026, me një program të larmishëm kulturor, edukativ dhe përkujtimor.
16 Shkurt 2026
Në të gjitha shkollat e komunës do të mbahen ligjërata historike për Pavarësinë e Kosovës, në orën e parë të mësimit.
Po ashtu, në “Shtëpinë e Fellbahut”, duke filluar nga ora 14:00, do të organizohet:
- Orë poetike-letrare, me përurimin e librave të autorit Sherif Gashi
- Hapja e ekspozitës me artistë nga Komuna e Suharekës
- Program muzikor nga “GAM Theranda”
17 Shkurt 2026
Në ditën e Pavarësisë do të mbahen homazhe dhe vendosje buqetash me lule:
- Në varrezat e dëshmorëve në Suharekë, në ora 10:00
- Në varrezat e dëshmorëve në Carralevë, në ora 11:00
Gjithashtu, është paralajmëruar pjesëmarrje në protestën “Drejtësi, jo politikë”, e cila do të mbahet në Sheshin “Skënderbeu” në Prishtinë, në ora 14:00, nën moton “Liria ka emër”.
Komuna e Suharekës fton qytetarët që të marrin pjesë në këto aktivitete, për të nderuar sakrificën për liri dhe për të festuar 17-vjetorin e Pavarësisë së Republikës së Kosovës.