Komisioni Qendror i Zgjedhjeve (KQZ) ka miratuar sot kalendarin zyrtar të aktiviteteve për zgjedhjet lokale, të cilat do të zhvillohen më 12 tetor 2025.
Me këtë vendim janë përcaktuar me përpikëri datat e fillimit dhe të mbylljes për çdo fazë të procesit zgjedhor, duke përfshirë afatet për regjistrimin e subjekteve politike dhe nisjen e fushatës.
Dokumenti i publikuar nga KQZ përmban një tabelë të detajuar ku gjenden të gjitha afatet zyrtare: nga periudha e fushatës, aplikimet për të votuar jashtë vendit, e deri te çdo fazë tjetër teknike e organizative që garanton zhvillimin e rregullt të zgjedhjeve për Kryetarë të Komunave dhe këshilla komunale.
