Në konferencën e sotme për media, kryeministri Albin Kurti u pyet nëse VV është e gatshme për zgjedhje të jashtëzakonshme parlamentare.
Ai u përgjigj se plani i partisë është të formojë Qeverinë Kurti 3, por në rast të mungesës së saj, nuk përjashtohet alternativa e zgjedhjeve.
“Ne po bëhemi gati të qeverisim më shumë se kurrë nëpër komuna anë e mbanë Kosovës, të rikthehemi në qeverisjen e kryeqytetit dhe që është shumë e rëndësishme, po bëhemi gati për qeverinë Kurti 3. Nëse nuk ka qeveri Kurti 3, pa dyshim që jemi të gatshëm për zgjedhje të reja parlamentare. VV në këtë 20 vjetorin e saj është shembull e mësim si organizohen njerëzit për parime politike me ideale kombëtare për të mirën e të gjithë qytetarëve pa dallim, andaj gatishmëria jonë është e plotë veçse njëherë plani ynë është për Qeverinë Kurti 3 dhe për këtë po përgatitemi ne, besoj që për këtë duhet të përgatiten dhe të tjerët.”
Kurti theksoi se VV është duke u përgatitur për qeverisje në të gjitha komunat e Kosovës dhe se qëllimi është rikthimi i kontrollit edhe në kryeqytet.
Në të njëjtën kohë, ai përsëriti se prioriteti mbetet formimi i qeverisë së re, por në mungesë të saj, zgjedhjet e reja nuk përjashtohen.