Një ngjarje e rëndë ka ndodhur mbrëmjen e së dielës në Vushtrri, ku një 19-vjeçar është gjetur pa shenja jete si pasojë e plagëve të marra nga një sulm me armë zjarri.

Gazeta Insajderi nga burimet e saja ka marrë vesh se viktima është Ardit Zymeri.

Zëdhënësi i Policisë për rajonin e Mitrovicës, Avni Zahiti, ka bërë të ditur për Insajderin se viktima është i moshës përreth 19-vjeçare.

Dorasi është ende në kërkim nga policia.

“Rreth orës 20:35 min policia ka pranuar informatën për të shtëna nga arma e zjarrit, ngjarja ka ndodhur në rrugën ” Galip Badivuku” ne Vushtrri. Nga hetimet fillestare behet e ditur se si pasojë e plagëve të pësuara nga arma e zjarrit ka humbur jetën viktima mashkull/ kosovar rreth 19 vjeçar. Njësitet përkatëse policore ndodhen ne vendin e ngjarjes dhe janë në kërkim të personit të dyshuar”, ka thënë Zahiti.