Sektori i Hetimeve të Kryeqytetit, me autorizim të prokurorisë kompetente, ka kërkuar bashkëpunimin e qytetarëve për identifikimin e një personi të dyshuar, i cili shihet në një fotografi të publikuar nga Policia e Kosovës.
Sipas njoftimit zyrtar, personi i dyshuar kërkohet në lidhje me veprën penale “Vjedhje”, ndërsa fotografia është bërë publike me qëllim të identifikimit të tij nga qytetarët.
Policia u bën thirrje të gjithë qytetarëve që, nëse kanë ndonjë informatë që mund të ndihmojë në identifikimin apo lokalizimin e personit të dyshuar, të kontaktojnë autoritetet përkatëse.
Të gjitha informatat mund të raportohen në numrin emergjent 192 ose përmes adresës elektronike [email protected].
Policia e Kosovës ka bërë të ditur se konfidencialiteti i qytetarëve që ofrojnë informata është i garantuar.