Lidhja Demokratike e Kosovës ka shpenzuar 230 mijë e 211 euro në tre muajt e fundit, sipas raportit mbi shpenzimet të publikuar nga Komisioni Qendror i Zgjedhjeve.
Sipas raportit, kjo parti ka deklaruar 48 mijë e 438 euro shpenzime për informim publik, shkruan Reporteri.net.
Për qira, LDK thotë se ka paguar 27 mijë e 244 euro për tre muaj. 109 mijë e 708 euro janë shpenzuar për paga, teksa 6 mijë e 150 euro janë deklaruar si shpenzime për udhëtime jashtë vendit.
LDK ka pasur buxhet për këtë periudhë në vlerë 248 mijë e 951 euro.
Këto shpenzime publikohen me qëllim të zbatimit të Ligjit nr. 08/L-122 për Financim të Subjekteve Politike.
Sipas këtij ligji, subjektet politike i dorëzojnë këto raporte në Zyrën për Regjistrim, Certifikim dhe Kontrollin Financiar të Subjekteve Politike (ZRCKFSP) dhe të njëjtat publikohen në ueb faqen e KQZ-së dhe të subjekteve politike.
