Lidhja Demokratike e Kosovës (LDK), ka thirrur për sot një mbledhje të Kryesisë së partisë.
Aty pritet të zyrtarizohen kandidatët për kryetarë të komunave në kuadër të zgjedhjeve lokale që do të mbahen më 12 tetor.
Mbledhja do të mbahet nga ora 16:00.
Deri tani, LDK-ja ka shpallur zyrtarisht kandidatët e saj në disa komuna, përfshirë Gjilanin, Podujevën, Lipjanin, Vitinë, Vushtrrin dhe të tjera.
Pritet që në mbledhjen e së enjtes të përmbyllet lista e plotë me emrat që do të garojnë nën siglën e kësaj partie.
Ashtu siç tashmë dihet, kandidati për kryetar të Suharekës nga radhët e LDK-së do të jetë sërish Dr. Ardian Shala, i cili pritet të zyrtarizohet në këtë mbledhje si përfaqësuesi i partisë për këtë komunë.