Dega e Lidhjes Demokratike të Kosovës në Suharekë ka shpallur një ftesë publike për gratë e qytetit, duke organizuar një takim të posaçëm më 26 shtator, ora 15:45, në zyrën e LDK-së në Suharekë.
Në këtë tubim do të diskutohet mbi rolet, sfidat dhe mundësitë e grave në shoqëri dhe politikë, si pjesë e një angazhimi të gjerë për të rritur përfaqësimin dhe ndikimin e tyre në jetën publike.
E ftuar speciale e këtij takimi do të jetë znj. Hykmete Bajrami, një figurë e njohur e politikës dhe një zë i rëndësishëm për fuqizimin e grave në vendimmarrje.
Organizatorët theksojnë se ky aktivitet është pjesë e vizionit të LDK-së për të ndërtuar një Suharekë më gjithëpërfshirëse, ku gratë të kenë hapësirën dhe mbështetjen e duhur për të kontribuar në zhvillimin e komunës.
