Dega e Lidhjes Demokratike të Kosovës në Suharekë ka reaguar pas lajmit për ndarjen nga jeta të Dr. Sali Bytyçit, duke e cilësuar atë si mjek të luftës çlirimtare, humanist dhe atdhetar të devotshëm.
Në njoftimin e saj, LDK ka theksuar se Dr. Bytyçi do të mbahet mend për përkushtimin e tij të palodhshëm ndaj qytetarëve, duke shërbyer gjithmonë me ndershmëri dhe profesionalizëm, pa dallim.
“LDK-dega në Suharekë vlerëson lart kontributin e tij në ndërtimin e institucioneve lokale dhe angazhimin publik në shërbim të vendit,” thuhet në reagim.
Në fund, LDK Suharekë ka shprehur ngushëllimet më të sinqerta për familjen, miqtë dhe bashkëpunëtorët e Dr. Sali Bytyçit.
