LDK në Suharekë ka reaguar lidhur me gjendjen e krijuar në Gjimnazin “Jeta e Re”, duke shprehur shqetësim të thellë për kushtet aktuale në këtë institucion arsimor. Sipas degës lokale të këtij subjekti, lagështia dhe myku që shihen pranë instalimeve elektrike paraqesin rrezik serioz për sigurinë e nxënësve.

Në reagim thuhet se kjo situatë është pasojë e neglizhencës së qeverisjes aktuale dhe mungesës së mirëmbajtjes së duhur të objektit shkollor.

LDK Suharekë kërkon ndërhyrje të menjëhershme për sanimin e dëmeve, eliminimin e rreziqeve dhe rikthimin e kushteve të sigurta për procesin mësimor.

Në fund theksohet se LDK do të vazhdojë monitorimin e kësaj çështjeje deri në zgjidhjen e problemit.