Kryetari i Partisë Demokratike të Kosovës, Memli Krasniqi, ka prezantuar me krenari Dr. Qefsere Kuçin si kandidate për deputete në zgjedhjet e 9 shkurtit. Dr. Kuçi, e cila rrjedh nga një familje intelektuale me vlera të pasura kombëtare në Suharekë, përfaqëson shembullin e një gruaje që ka ndërtuar një karrierë të suksesshme dhe ka shërbyer me përkushtim popullit të saj.
E dalluar si oftalmologe në Qendrën Klinike Universitare të Kosovës, Dr. Kuçi ka dëshmuar se përkushtimi profesional dhe humanizmi janë shtyllat e saj kryesore. Ajo jo vetëm që ka trajtuar me kujdes të veçantë pacientët nga e gjithë Kosova, por gjithashtu ka kontribuar në avancimin e shëndetësisë në vendin tonë.
Me kandidimin e saj, PDK-ja sjell një zë të fuqishëm që mishëron sakrificën dhe shërbimin ndaj popullit. Dr. Kuçi premton të jetë një përfaqësuese dinjitoze dhe e vendosur për të mbrojtur interesat e qytetarëve të Kosovës në Kuvendin e ardhshëm.
