Drejtori i Bujqësisë në Komunën e Suharekës dhe njëherit kandidati për Asamblenë Komunale me numrin 5 nga radhët e AAK-së, Mensur Selimaj, ka shpërndarë një mesazh të fuqishëm për qytetarët në postimin e tij të fundit.
Ai ka theksuar se rrugëtimi i tij politik përkrah kryetarit Bali Muharremaj i ka mësuar një të vërtetë thelbësore: politika nuk është privilegj, por sakrificë dhe obligim për t’i shërbyer njerëzve me thjeshtësi dhe përkushtim.
“Çdo minutë duhet të mbetesh i thjeshtë dhe i përkushtuar për të shërbyer. Marrja e përgjegjësive nuk është privilegj, por sakrificë dhe obligim ndaj njerëzve”, ka shkruar Selimaj.
Mensur Selimaj prej vitesh është i angazhuar në shërbimin publik dhe ka ndërtuar një profil politik të qëndrueshëm, duke u vlerësuar për afërsinë me qytetarët dhe përkushtimin ndaj zhvillimit të bujqësisë dhe sektorit rural në komunë.
Në zgjedhjet e 12 tetorit, Selimaj synon të vazhdojë këtë rrugëtim si asambleist, duke qenë një zë i fortë për interesat e qytetarëve dhe për projekte që ndikojnë drejtpërdrejt në mirëqenien e tyre.
