Ish-presidenti i Kosovës, Hashim Thaçi, ka uruar sot gjithë shqiptarët për festen e 28 Nëntorit.

Duke e kritikuar Gjykatën Speciale që sot ka caktuar seancë gjyqësorë ndaj tij, Thaçi ka kërkuar që shqiptarët të festojnë të bashkua dhe me dinjitet.

Ai është shprehur i bindur se vitin tjetër do të festojnë së bashku.

“Nuk më mbetet tjetër që t’i uroj shqiptarët që të festojnë të bashkuar, krenarë dhe me dinjitet. Besoj që nëntorët e tjerë do t’i festojmë bashkërisht”, ka thënë Thaçi.

Ish-presidenti i Kosovës, Hashim Thaçi, e ka kritikuar Gjykatën Speciale, e cila sot ka caktuar seancë në çështjen e dytë ndaj tij.

Ai ka bërë me dije se një seancë e tillë nuk është dashur të caktohen në datën më të rëndësishme për shqiptarët.

Në adresimin e tij, Thaçi ka kërkuar nga gjyqtarët që të mos lejojnë të ndodhin gjëra që nuk do t’lejonin në shtetet e tyre.

“E mirëpres mbajtjen e kësaj seance dhe për këtë arsye edhe jam sot në seancë sepse jam për respektimin e shtetit ligjor. Por, është me interes që në këtë gjykatë që të mos ndodhin gjëra që s’lejohet të ndodhin në shtetet te tuaja përkatëse. Si çdo popull edhe ne shqiptarët, kemi historinë, vlerat kombëtare dhe shtetërore”, ka thënë Thaçi.