Ministria e Financave, Punë dhe Transfereve ka njoftuar se gjatë javës së ardhshme do të bëhet shqyrtimi i aplikacioneve dhe ekzekutimi i mjeteve për 100 eurot shtesë për punëtorët e sektorit privat.
Sipas Ministrisë, deri tash mbi 300 mijë punëtorë kanë aplikuar për këtë mbështetje.
“Mnistria e Financave, Punës dhe Transfereve njofton qytetarët se sot është afati i fundit për të aplikuar për mbështetje për punëtorët që nuk marrin pagë nga buxheti i shtetit. Aktualisht, mbi 300 mijë punëtorë kanë aplikuar për mbështetje financiare prej 100 Euro. Gjithashtu, vlen të theksohet se MFPT tashmë ka themeluar Komisionin Zbatues për vlerësimin e aplikacioneve dhe gjatë javës së ardhshme pritet të bëhet shqyrtimi i tyre dhe ekzekutimi i mjeteve”, thuhet në njoftim.
