Në një takim të mbajtur në sallën e Asamblesë Komunale, kryetari i Suharekës, Bali Muharremaj, ka prezantuar dhe diskutuar me qytetarët dy dokumente të rëndësishme për zhvillimin ekonomik të komunës:

✅ Plani Rregullues i Hollësishëm për “Zonën Ekonomike” në Duhël
✅ Plani Rregullues i Hollësishëm për “Zonën Industriale” në Shirokë

Gjatë takimit, qytetarët patën mundësinë të japin vërejtjet, këshillat dhe sugjerimet e tyre për këto plane, të cilat synojnë të rrisin investimet dhe të krijojnë hapësira më të mira për bizneset në Suharekë.

Kryetari Muharremaj e vlerësoi pjesëmarrjen e lartë të qytetarëve dhe theksoi se angazhimi i tyre është kyç për hartimin e planeve që i shërbejnë më mirë zhvillimit të komunës.

Me finalizimin e këtyre dokumenteve, Duhla dhe Shiroka pritet të bëhen dy qendrat kryesore të zhvillimit ekonomik në Suharekë, duke tërhequr investime dhe duke krijuar vende të reja pune.