Kryetari i Komunës së Suharekës, Bali Muharremaj, në orët e hershme të mëngjesit ka dalë në terren për të parë nga afër situatën dhe rrezikun e mundshëm nga vërshimet pas reshjeve të shiut.
Ai është parë në fshatin Semetisht, pranë qytetarëve, ku ka inspektuar gjendjen në terren dhe ka përcjellë nga afër rrjedhën e ujërave dhe pikat potencialisht të rrezikuara.
Muharremaj theksoi rëndësinë e reagimit të hershëm dhe të pranisë institucionale në terren, duke siguruar qytetarët se komuna është në gatishmëri të plotë për të ndërmarrë masa në rast nevoje, me qëllim parandalimin e dëmeve dhe mbrojtjen e banorëve.
