Qendra e Mjekësisë Familjare “Rexhep Kuçi” në Suharekë ka njoftuar me pikëllim të thellë për ndarjen nga jeta të ish-drejtorit të saj, dr. Salih Bytyqi.
Në njoftimin mortor, theksohet se dr. Bytyqi do të kujtohet përgjithmonë si një profesionist i përkushtuar, me vlera të larta njerëzore dhe profesionale, si dhe si një humanist i rrallë që ka lënë gjurmë të pashlyeshme tek pacientët, kolegët dhe gjithë komuniteti.
“Në këto çaste të dhimbshme, u shprehim ngushëllimet më të sinqerta familjes së tij, të afërmve dhe gjithë kolegëve të respektuar. Kujtimi për dr. Salih Bytyqin do të mbetet i gjallë dhe i paharruar,” thuhet në reagim.
