Federata e Futbollit e Kosovës ka nxjerrë dje në shitje biletat për ndeshjen Kosovë – Zvicër, e vlefshme për kualifikimet për Kampionatin Botëror.
Interesimi ishte kaq i madh sa faqja zyrtare e shitjes pati probleme teknike dhe biletat u “avulluan” brenda pak orësh.
Sipas raporteve, biletat tashmë po shiten edhe në tregun e zi, duke reflektuar kërkesën e lartë për të parë përballjen e Dardanëve.
Ndeshja Kosovë – Zvicër është e planifikuar të zhvillohet më 18 nëntor në stadiumin “Fadil Vokrri”, ndërsa tre ditë më parë, Kosova do të luajë në udhëtim ndaj Sllovenisë.