Kompania që po kryen punimet në vendosjen e rrjetit të kanalizimit në qytet ka njoftuar se, duke filluar nga ora 00:00, rruga në transitin e Suharekës do të bllokohet për qarkullim.
Sipas njoftimit, bllokimi është i domosdoshëm për realizimin e punimeve dhe do të qëndrojë në fuqi deri në përfundimin e tyre. Gjatë kësaj periudhe, qytetarëve u rekomandohet që të përdorin rrugë alternative për të shmangur pengesat në lëvizje.
Kompania ka kërkuar mirëkuptimin e qytetarëve dhe ka falënderuar të gjithë për bashkëpunimin e treguar.