Nuk janë të rralla rastet kur pacientët në Qendrën Integruese Rehabilituese të të sëmurëve kronikë-psikiatrikë ikin nga ky institucion dhe nuk dihet gjë për fatin e tyre. Një rast i tillë është raportuar të premten në stacionin e Policisë në Shtime, raporton Gazeta Sinjali.
Sinjali mëson se një punëtor i Entit ka njoftuar Policinë se një pacient është larguar pasditen e djeshme nga kjo qendër dhe kjo nuk është hera e parë që e ka bërë një gjë të tillë.
Si rezultat i denoncimit të rastit, Policia është aktivizuar për ta kërkuar pacientin, i cili sipas informacioneve të para ndodhet në Pejë.
Akoma nuk dihet se si pacienti në fjalë ka arritur të largohet nga qendra dhe a e ka bërë me plan ikjen.
Në lidhje më rastin është vënë në dijeni edhe Prokurori i Shtetit, i cili ka urdhëruar që të vazhdojnë kërkimet.