Ka gati një javë qëkur historia e këngëtarit, Luiz Ejlli, i cili i është futur garës për çmimin prej 100 mijë eurosh në Big Brother Vip Albania, ka pushtuar shtypin rozë, raporton Gazeta Sinjali.
Rrëfimi i tij dhënë moderatores, Kiara Tito, se vuan nga një sëmundje e rrallë me të cilën është diagnostikuar tre muaj para se të fillonte edicioni i dytë i BB Vip, po stërkomentohet nga të gjithë.
Ka qenë produksioni i BB ai i cili ka vënë në pikëpyetje rrëfimin e Luizit, duke thënë se ai gëzon shëndet të plotë, e të cilin sipas tyre e vërtetojnë edhe analizat e bëra të martën mbrëma.
E gjithë kjo u prit me një dramë të madhe edhe te vetë banorët e shtëpisë. Një ndër më kritiket ka qenë edhe Dea Mishel, e cila ndër të tjera ka kërkuar që Luizi t’i nënshtrohet edhe testeve psikologjike.
Dea po ashtu ka thënë se nuk mund të jetojë në një shtëpi me një person që mund të vdes dita-ditës.
E së fundi në rrjete sociale po qarkullon një video e frikshme, ku shihet Dea me thikë në dorë teksa i turret Luizit.
