Gjatë tremujorit prill-qershor 2025, Partia Demokratike e Kosovës ka shpenzuar 263 mijë e 753 euro, sipas të dhënave të publikuar nga Komisioni Qendror i Zgjedhjeve.
Nga këto para të shpenzuara, 153 mijë e 456 euro shkuan për paga, ndërsa 107 mijë e 947 u shpenzuan për mallra dhe shërbime. Për qira PDK dha 4599 euro, ndërsa për marketing PDK 2000 euro.
Po ashtu, kjo parti pranoi donacione 5197 euro.
Komisionit Qendror i Zgjedhjeve sot ka publikuar shpenzimet e partive politike parlamentare gjatë tremujorit prill-qershor 2025.
KQZ tha se këtë raport e publikoi me qëllim të zbatimit të Ligjit për Financim të Subjekteve Politike. Sipas këtij ligji, subjektet politike i dorëzojnë këto raporte në Zyrën për Regjistrim, Certifikim dhe Kontrollin Financiar të Subjekteve Politike (ZRCKFSP) dhe të njëjtat publikohen në ueb faqen e KQZ-së dhe të subjekteve politike.