Kryetari i Komunës së Suharekës, Bali Muharremaj, ka ndarë një mesazh prekës e plot emocion për qytetarët, duke theksuar se shërbimi ndaj tyre është mision dhe obligim moral që buron nga sakrifica e bashkëluftëtarëve dhe ëndrrat e secilit qytetar për një jetë më të mirë.
“Kurrë nuk e mendoj lodhjen. Ua kam borgj bashkëluftëtarëve përkushtimin. Obligim të gjithëve, dhe secilit që e ëndërron jetën dhe mirëqenien për familjen dhe shoqërinë”, ka shkruar Muharremaj, duke treguar se çdo hap i tij në punën publike udhëhiqet nga përgjegjësia dhe besnikëria ndaj qytetarëve.
Ai ka theksuar se e ndjen veten me fat që çdo ditë i shërben kërkesave të qytetarëve të tij dhe bashkë me ta punon për të gjetur zgjidhje, me qëllim që Suhareka të jetë një vend ku jeta është më e mirë për secilin.
Ky mesazh është përjetuar si një reflektim i sinqertë i udhëtimit të tij politik e njerëzor, ku puna dhe përkushtimi ndaj njerëzve vendosen mbi gjithçka tjetër.