Dega e Nismës Socialdemokrate në Suharekë ka prezantuar kandidatin e saj për Asamblenë Komunale – Prof. Dr. Murtez Zekolli, një personalitet i shquar në fushën akademike, institucionale dhe publike, me një jetë të tërë të përkushtuar ndaj dijes, ndershmërisë dhe shërbimit ndaj vendit.
I lindur në fshatin Bllacë, pjesë e një familjeje me traditë intelektuale dhe atdhetare, Prof. Zekolli është veteran i luftës, i cili ka dëshmuar përkushtim të palëkundur ndaj lirisë dhe dinjitetit të Kosovës. Ai mban titullin Doktor i Shkencave Juridike nga Universiteti i Prishtinës dhe ka ndërtuar një karrierë të pasur akademike e institucionale:
- 12 vite Drejtor Departamenti në Ministrinë e Arsimit
- 5 vite Profesor universitar në Universitetin e Prizrenit
- Dy mandate si asambleist komunal, ku është vlerësuar nga KDI si një nga përfaqësuesit me performancën më të lartë
- Ish-kandidat për kryetar komune, gjithmonë në shërbim të qytetarëve me ndershmëri dhe vizion të qartë
Nisma Socialdemokrate e cilëson kandidaturën e Prof. Zekollit si shumë më tepër se një angazhim formal në garën zgjedhore. Ai përfaqëson zërin e arsyes, të përvojës dhe të integritetit në jetën publike të Suharekës.
“Mbështeteni Prof. Dr. Murtez Zekollin për një Suharekë që respekton dijen, përkrah përvojën dhe ndërton të ardhmen me dinjitet!” – thuhet në thirrjen e Nismës drejtuar qytetarëve.