30 ushtarë të KFOR-it janë lënduar dje nga veprimet radikale të protestuesve serbë.
Raporto24 ka siguruar pamjet kur grupet kriminale serbe të maskuar mbanin në xhepa shok-bomba të cilat i hidhnin në drejtim të ushtarëve të KFOR-it.
Ndryshe, nga misioni i KFOR-it iu adresuan thirrje Kosovës e Serbisë që të marrin përgjegjësi për situatën e krijuar në veri. E duke iu referuar tensioneve të një dite më parë, nga ky mision bënë të ditur se 30 pjesëtarë të tij janë lënduar, tre prej të cilëve nga armë të zjarrit.
“11 ushtarë nga Kontingjenti italian dhe 19 nga Kontingjenti hungarez kanë pësuar lëndime të shumta, duke përfshirë thyerje dhe djegie nga mjetet ndezëse shpërthyese të improvizuara. Tre ushtarë hungarezë u plagosën nga përdorimi i armëve të zjarrit. Lëndimet e tyre nuk janë të rrezikshme për jetën”, u tha në njoftim të KFOR-it.