Qendra Kryesore e Mjekësisë Familjare “Rexhep Kuçi” në Suharekë ka publikuar një njoftim të rëndësishëm për të gjithë qytetarët, lidhur me ndryshimet në mënyrën e ofrimit të shërbimeve shëndetësore.
Sipas njoftimit, duke filluar nga data 1 tetor 2025, pas sanimit të problemeve në sistemin shëndetësor SISH, çdo pacient që kërkon të përfitojë nga shërbimet shëndetësore do të duhet të paraqesë një dokument identifikimi me numrin personal.
Dokumentet e vlefshme për identifikim:
Letërnjoftimi i Republikës së Kosovës
Pasaporta e Republikës së Kosovës
Patentë-shoferi i Republikës së Kosovës
Çertifikatë, Ekstrakt dhe dokumente të ngjashme
Ky vendim është marrë për të garantuar qasje më të rregullt në shërbime, si dhe për të shmangur problemet e hasura më herët në sistemin shëndetësor.
Në fund, QKMF “Rexhep Kuçi” falënderon qytetarët për bashkëpunimin dhe mirëkuptimin e tyre në këtë proces të ri administrativ.
