Ish-kryeministri i Kosovës dhe kryetar i Aleancës për Ardhmërinë e Kosovës, Ramush Haradinaj, ka reaguar pas lajmit për ndarjen nga jeta të Dr. Salih Bytyqit, duke e kujtuar atë si koleg të çmuar dhe profesionist të shquar.
“Me dhimbje mora lajmin për ndarjen nga jeta të kolegut tonë shumëvjeçar në Aleancë, Dr. Salih Bytyqi. Ai ishte një profesionist i shquar, njeri me vlera të larta dhe i respektuar nga të gjithë,” ka shkruar Haradinaj.
Ai ka përmendur gjithashtu kontributin e Dr. Bytyqit si drejtor i QKMF-së në Komunën e Suharekës, ku la pas gjurmë të pashlyeshme në shërbim të qytetarëve.
“Ngushëllime të sinqerta familjes Bytyqi, kolegëve dhe miqve. Pushoftë në paqe!” ka përfunduar Haradinaj.
