Presidenti i Shteteve të Bashkuara të Amerikës, Donald Trump ka bërë të ditur se ka sulmuar tri caqe bërthamore në Iran.
“E kemi përfunduar me sukses sulmin ndaj tri objekteve bërthamore në Iran, përfshirë Fordow, Natanz dhe Esfahan. Të gjithë aeroplanët tanë ndodhen jashtë hapësirës ajrore të Iranit”, ka shkruar Trump në Truth Social.
Ai ka thënë se një grumbull i madh raketash është hedhur ndaj objektit në Fordow, teksa aeroplanët amerikanë janë në kthim për SHBA.
Trumpi ka thënë se është vendim historik për SHBA-në, Izraelin dhe gjithë botën.
CNN raporton se për këto bombardime janë përdorur aeroplanët luftarakë B2.
Sulmet i ka pranuar edhe Irani.
