Këshilli Prokurorial i Kosovës e ka shkarkuar nga detyra ushtruesin e detyrës së Kryeprokurorit të Shtetit, Besim Kelmendi.
Propozimi për shkarkimin e Kelmendit u votua nga pesë anëtarë të KPK-së, në një mbledhje të mbajtur të enjten.
“Me pesë vota për shkarkohet nga pozita ushtruesi i detyrës së Kryeprokurorit të Shtetit”, tha pas zhvillimit të votimit, kryesuesi i KPK-së, Ardian Hajdari.
Në vend të tij, në pozitën e u.d. të Kryeprokurorit, Këshilli Prokurorial i Kosovës e caktoi Agron Qalajn.
Qalaj ka shërbyer si zëvendës i u.d. Kryeprokurorit të Shtetit.