Kryetari i Komunës së Suharekës, Bali Muharremaj, ka pritur sot përfaqësues të shoqatave të dala nga Lufta e Ushtrisë Çlirimtare të Kosovës.
Në një takim të zhvilluar në ambientet e komunës, Muharremaj ka shprehur mirënjohjen dhe respektin e tij për kontributin e tyre në procesin e lirisë dhe shtetndërtimit.

Gjatë vizitës, kryetari Muharremaj ka falënderuar shoqatat për bashkëpunimin dhe përkrahjen e vazhdueshme, duke theksuar se institucionet lokale mbeten të përkushtuara për t’i mbështetur të gjitha kategoritë që burojnë nga lufta e UÇK-së.

Takimi është zhvilluar në një atmosferë miqësore, ku u diskutua për çështje me interes të përbashkët dhe për rolin e shoqatave në komunitet.