Kryeministri i Kosovës, Albin Kurti, ka njoftuar se nga sot nis zbatimi i rritjes prej 50% të shtesave për fëmijë, masë nga e cila përfitojnë rreth 400 mijë fëmijë në të gjithë vendin.
Sipas kryeministrit, rritja do të reflektohet menjëherë në pagesat e familjeve që tashmë marrin shtesa mujore.
Shembujt e përfitimeve të reja sipas numrit të fëmijëve janë këta:
- Familja me dy fëmijë, nga 40 euro tani përfiton 60 euro;
- Familja me tre fëmijë, nga 90 euro përfiton 135 euro;
- Familja me katër fëmijë, nga 120 euro përfiton 180 euro.
Kurti uroi të gjithë fëmijët dhe theksoi se kjo rritje synon të lehtësojë mirëqenien e familjeve dhe të mbështesë fëmijët në rritje.
“Urime të gjithë fëmijëve! T’i gëzoni me shëndet”, përfundoi ai.