Policia ka ndërhyrë mbrëmjen e sotme në fshatin Vraniq të Suharekës, pas raportimeve për të shtëna me armë zjarri.
Burime të Sinjalit bëjnë me dije se në lokacion është identifikuar dhe arrestuar i dyshuari S.M rreth 45-vjeçar, i cili është shoqëruar në stacionin policor në Suharekë.
Gjatë kontrollit, policia ka sekuestruar: • Një armë zjarri të tipit TT-M57 kalibër 7.62 mm • 57 fishekë kalibër 7.62 mm • 20 fishekë kalibër 9×19 mm • 7 gëzhoja të kalibrit 7.62 mm.
Me urdhër të Prokurorit Kujdestar, rasti është iniciuar për veprat penale “Armëmbajtje pa leje” dhe “Shkaktim i rrezikut të përgjithshëm”, ndërsa i dyshuari është dërguar në ndalim për 48 orë.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.