Përfaqësuesja e Kosovës luan sot me Spanjën në kuadër të ndeshjeve kualifikuese për Kupën e Botës “Katar 2022”.
Dardanët kanë udhëtuar tashmë dhe janë gati për ndeshjen e dytë kualifikuese të vlefshme për Grupin B, ndeshje të cilën do ta luajnë në Spanjë.
Ky takim pritet të zhvillohet nga ora 20:45 në Estadio La Curtaja de Sevilla.
Ekipi i drejtuar nga Challandes nisi kampanjën kualifikuese me një humbje në shtëpi nga Suedia me rezultat 3-0 dhe presin rezultat pozitiv nga ky udhëtim shumë i vështirë.
Në anën tjetër, ekipi i Luis Enriques do të synojë një fitore më të lehtë sesa ajo e fundit ndaj Gjeorgjisë.
Ndeshja tjetër e Grupit B është ajo në mes të Greqisë dhe Gjeorgjisë, ndërsa Suedia pushon, pasi janë vetëm pesë ekipe pjesë e grupit.