Pas raportimeve që qarkulluan gjatë ditës se KB Golden Eagle Ylli nga Suhareka ka ndërprerë kontratën me trajnerin spanjoll Paco Olmos, Suhareka Express ka kontaktuar drejtpërdrejt me zyrtarë të klubit.
Nga burime brenda klubit është konfirmuar për Suhareka Express se lajmi për shkarkimin e trajnerit nuk është i vërtetë dhe se Paco Olmos vazhdon të jetë në krye të shtabit teknik.
Zyrtarët e klubit kanë bërë të ditur se nuk ka asnjë vendim për ndërprerje kontrate dhe se informacionet që kanë qarkulluar janë të pasakta.
Suhareka Express do të vazhdojë të sjellë informacione të verifikuara rreth zhvillimeve në klubin kampion nga Suhareka.