Policia e Kosovës ka sekuestruar një armë zjarri dhe municion në shtëpinë e një 81-vjeçari në fshatin Doberdelan të Suharekës, pas informatave se ai posedonte armë pa leje.
Sipas burimeve, njësia e hetimeve ka kontaktuar të dyshuarin Sylejman Balaj rreth 81-vjeçar në shtëpinë e tij, ku gjatë kontrollit i është gjetur një pushkë karabinë prodhim rus, kalibër 7.9 mm, si dhe 26 fishekë kalibër 7.9 mm dhe 2 fishekë kalibër 7.62 mm.
Me urdhër të prokurorit kujdestar, arma dhe municioni janë sekuestruar për hetime të mëtejshme.
I dyshuari është intervistuar në prani të avokatit mbrojtës dhe rasti do të procedohet në procedurë të rregullt.
