Me 100 euro gjobitet qytetari për hedhje të mbeturinave
Se Komuna është e vendosur të mbaj pastër ambientin kudo në territorin e saj, tregon më së miri rasti i ndodhur, kur një qytetar i papërgjegjshëm nga Bukoshi dënohet me 100 euro gjobë për hedhjen e mbeturinave në hapësirën publike. Kryetari Muharremaj, veprimin e drejtorisë së inspeksionit e ka përshëndetur dhe ka shtuar se nuk do të ketë tolerime për cilin do që ndotë ambientin:“Asnjë tolerim nuk do të ketë për ndotësit e ambientit.Kjo hapsirë është pastruar para 3 ditësh, ndërkohë që personi në fjalë ka hedhur mbeturina më pas. I falenderoj inspektorët për punën dhe angazhimin në teren,” ka shtuar kryetari Bali Muharremaj
