Në Komunën e Suharekës është mbajtur mbledhja e 10-të e rregullt për vitin 2025 e Komitetit për Politikë dhe Financa, ku anëtarët shqyrtuan disa pika të rëndësishme të rendit të ditës.
Gjatë mbledhjes u diskutua dhe u miratua:
- Miratimi i procesverbalit nga mbledhja e kaluar;
- Shqyrtimi i projekt-vendimit për caktimin e normave tatimore për tatimin në pronën e paluajtshme për Komunën e Suharekës;
- Shqyrtimi i projekt-vendimit për shfuqizimin e Rregullores 01-Nr-016-56044;
- Informata financiare për administrimin e buxhetit të komunës për periudhën janar–shtator 2025;
- Raporti i performancës komunale për janar–dhjetor 2024.
Pas diskutimeve, të gjitha pikat e rendit të ditës u miratuan dhe do të procedohen për shqyrtim në mbledhjen e radhës të Kuvendit Komunal të Suharekës.
