Sulmuesi i suharekasve, Albion Rrahmani vazhdon të jetë në qendër të vëmendjes, rreth transferimit të tij në futbollin rumun.
Mediat në Rumani raportojnë se transferimi i Rrahmanit, mbyllet brenda dy, tre ditësh.
Rapid Bukureshti do ta zgjidhë shpejt transferimin e Albion Rrahmanit, sulmuesit të Ballkanit.
Rapid ka arritur marrëveshje si me FC Ballkani ashtu edhe me Rrahmani.
Klubi rumun do të paguajë 600 mijë euro për transferimin e tij.
“Kemi një tjetër transferim që do ta mbyllim për 1-2 ditë. Jemi marrë vesh, por ende duhet të nënshkruajmë kontratën. Është futbollist jashtë vendit”, ka thënë Angelescu, aksionar i Rapid Bukureshtit në emisionin “Footbal Club” në Digi Sport 1. Kuptohet se bëhet fjalë për Rrahmanin.
‘Levandowski i Malishevës’, epitet që mori sa ishte në skuadrën me të njëjtin emër, para se të vinte te Ballkani ishte edhe pjesë e skuadrës së Bashkimit.
Krahas Rrahmanit, në radarin e skuadrave evropiane janë edhe Lindon Emerllahu, Qëndrim Zyba e Meriton Korenica. Largimi i tyre mund të varet shumë edhe në bazë të ecurisë së tyre në Ligën e Konferencave.