Policia e Kosovës ka suspenduar një zyrtar policor me dyshimin se zbuloi informatë zyrtare.
Sipas njoftimit të policisë thuhet se polici është punonjës në Stacionin Policor në Gjakovë, dhe i njëjti është suspenduar për 72 orë.
“Sot, më datë 18.korrik.2025, Drejtoria Rajonale në Gjakovë pas veprimeve operativo – hetimore me qëllim të verifikimin të informatës, ka identifikuar një zyrtar policor, punonjës në stacionin policor në Gjakovë, i cili është suspenduar për 72 orë, mbi dyshimin e bazuar për rrjedhje të informatës zyrtare”, thuhet në njoftim.
Lidhur më rastin, Policia ka thënë se të gjitha veprimet e mëtejme do të merren në koordinim dhe bashkëpunim të ngushtë me institucionet kompetente duke përfshirë Inspektoratin Policor të Kosovës. /21Media