Mekanizmi Komunal Kundër Dhunës në Familje në Komunën e Suharekës ka mbajtur një takim të jashtëzakonshëm pas raportimit të një rasti të rëndë të dhunës në familje.
Në takim morën pjesë përfaqësues të institucioneve relevante, përfshirë Policinë e Kosovës, Qendrën për Punë Sociale, Prokurorinë, QKMF-në, Zyrën për Barazi Gjinore dhe përfaqësues të organizatave partnere.
Pas shqyrtimit të detajuar të rastit, anëtarët e mekanizmit rekomanduan:
-Reagim të menjëhershëm institucional dhe mbrojtje të viktimës;
-Koordinim të ngushtë ndërmjet të gjitha institucioneve përgjegjëse;
-Ofrim të mbështetjes psikologjike dhe sociale për viktimën;
-Ndjekje të vazhdueshme të rastit deri në zgjidhjen përfundimtare;
Komuna e Suharekës dhe Mekanizmi Kundër Dhunës në Familje mbeten të përkushtuar në mbrojtjen e viktimave dhe në forcimin e reagimit institucional ndaj çdo forme të dhunës.