Banorët e fshatit Studençan do të kenë së shpejti në shërbim ambulancën e re, e cila do të hapet zyrtarisht të hënën, më datë 25 gusht 2025, në ora 10:00.
Lajmin e ka bërë të ditur kryetari i fshatit, Gent Gashi, i cili ka ftuar të gjithë banorët që të marrin pjesë në këtë ngjarje të rëndësishme për komunitetin.
“Ju njoftojmë se të hënën, më datë 25.08.2025, në ora 10:00, do të bëhet hapja solemne e ambulancës së re në fshatin tonë. Ftojmë të gjithë banorët e Studençanit të marrin pjesë në këtë ngjarje të rëndësishme për komunitetin tonë. Mirë se vini!”, thuhet në njoftimin e tij.
Ambulanca e re pritet të ofrojë kushte më të mira shëndetësore dhe të lehtësojë qasjen e banorëve të Studençanit në shërbimet mjekësore, duke qenë një hap i madh për përmirësimin e jetës së përditshme në këtë fshat.
